Aurkespena eta ibilbidea

SALBATZAILE DANTZA TALDEA Bilboko Castaños auzoko Dantza Taldea da. 1978 urtean jaio zen orduan zegoen gizarte eta kultural hutsuneari erantzuna eman nahiean.

Taldea 5 eta 50 urte bitarteko 200 pertsonez osatuta dago. Horrez gain, nagusien ikastaroetara 120 persona inguru etortzen da taldera Euskal Herriko dantzak ikastera.

Bere helburu nagusia euskal dantzen ezagupena suspertzea da eta izan da, haur, gazte eta nagusientzako alternatiba berriak sortuz.

Hasi zenetik gaurdaino, SALBATZAILE dantza-taldearen xedea euskal folklorea jendearen artean hedatzea izan da, hartara, haurrei, gazteei eta helduei aukera berriak eskainiz. Era berean, beraren historia eta euskal kulturaren alde egiten duen lan soziala ezagutarazi nahi dio jendeari. 

Gaur egun, betidanik egin izan duen bezala, dantza-taldearen lokaletan haur, gazte eta helduen hainbat talderi irakasten zaie dantzan. Euskal Herriko musika-tresnak jotzen ere irakasten dugu eta, gaur egun, fanfarre bat, gaita-jotzaileen banda, txistulariak eta trikitilariak ditugu.