Gai libreko argazki lehiaketa maiatzaren 27an, igandean, irudimena eta originaltasuna lortzeko. Parte hartzeko kamara eta whatsapp-a dituen eskuko telefonoa baino ez da behar.
Izena emateko 12:00etatik 13:00etara Funiko plazatik pasa beharko dute parte hartzaileek eta erabiliko duten telefonoaren zenbakia eman beharko dute. Parte hartzaileekin whatsapp taldea (fotoguasapkastaños) osatuko da. Argazkiak talde horretara bidali beharko dituzte, igande horretan bertan, 12:00etatik 15:00etara.
Eskuko telefono bakoitzetik hiru argazki bakarrik aurkeztu ahal izango dira. Gaia librea izango da eta baldintza bakarra izango da goizean Kastaños auzoan ateratakoak izatea.
Hurrengo astean auzoko lagun batzuek erakargarrienak aukeratuko dituzte eta atera dituztenei eskatuko diete argazkiak emailez bidaltzeko, ondoren paperera pasatu eta Artxandako Funin Euskal Jaian ikusgai jartzeko. Hirurentzat, gainera, garaikurra eta dastaketa gastronomikoa izango dira. Horiek ekainaren 3ean, igandean, emango dira Euskal Jaian.